ଯାତ୍ରା ଦେଖା ଥିଲା ଜୀବନର ଶେଷ ଯାତ୍ରା l

ଗଞ୍ଜାମ : (ଆମ ଓଡ଼ିଶା ଖବର )ଆସ୍କା ରୋଡ ପାଲଟିଛି ମରଣଯନ୍ତା, ପ୍ରତିଦିନ ଦୁର୍ଘଟଣାର ଶୀକାର ହୋଇ ଧନ ଜୀବନ ନଷ୍ଟ ହେଉଛି । ରୋଡରେ ଡିଭାଇଡର ନଥିବାରୁ ଅସୁରକ୍ଷିତ ମରଣଯନ୍ତା ପାଲଟିଛି ବ୍ରହ୍ମପୁର ଠାରୁ ଆସିକା ମୁଖ୍ୟ ରାସ୍ତା । ଆଙ୍କୁଶପୁର ପୂର୍ବତନ ସମିତିସଭ୍ୟ ଟୁକୁନା ପାଣିଗ୍ରାହୀଙ୍କ ଦ୍ଵିତୀୟ ଭାଇ ଭଗବାନ ପାଣିଗ୍ରାହୀ (୪୨) ଗତ ରାତିରେ ନିଜ ସ୍ତ୍ରୀ ମନିଷା ପାଢ଼ି ଓ ପୁଅ କୁ ନେଇ ବ୍ରହ୍ମପୁର ଠାକୁରାଣୀ ଯାତ୍ରା ବୁଲିବାକୁ ଯାଇଥିଲେ । ବିଳମ୍ବିତ ରାତ୍ରୀରେ ଯାତ୍ରା ଦେଖି ଫେରିଲା ବେଳକୁ ଅଜଣା ଗାଡ଼ି ଦୁର୍ଘଟଣାରେ ଭଗବାନ ପାଣିଗ୍ରାହୀଙ୍କ ବାଇକ୍ (OR07M8076) ଭାରସାମ୍ୟ ହରାଇ ରୋଡ ତଳକୁ ଖସିପଡ଼ିଥିଲା ଓ ସେ ଗୁରୁତର ଭାବରେ ଆହତ ହୋଇଥିଲେ । ତାଙ୍କରି ପେଟ ଓ ମୁଣ୍ଡରେ ଗଭୀର ଆଘାତ ଲାଗିଥିଲା , ସ୍ତ୍ରୀ ମନିଷା ପଢ଼ି ଘଟଣା ସ୍ଥଳରେ ଆହାତ ହୋଇ ଅଚେତ ଅବସ୍ଥାରେ ପଡ଼ିରହିଥିଲେ ଓ ୫ବର୍ଷର ପୁଅର ହାତ ଓ ବେକରେ ଆଘାତ ଲାଗିଥିଲା । ବିଳମ୍ବିତ ରାତ୍ରୀରେ ଅଘଟଣ ହୋଇଥିବାରୁ ବିଳମ୍ବରେ ଖବର ପାଇଥିଲେ ଘରଲୋକେ । ଖବର ପାଇବାପରେ ଘରଲୋକେ ଅଟୋ ଯୋଗେ ଭଗବାନଙ୍କୁ ଗୁରୁତର ଅବସ୍ଥାରେ MKCG ମେଡିକାଲ ରେ ଭର୍ତି କରାଇଥିଲେ, ଚିକିତ୍ସାଧିନ ଅବସ୍ଥାରେ ତାଙ୍କରି ମୃତ୍ୟୁ ହୋଇଥିଲା ଓ ଡ଼କ୍ଟର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।ଏହି ଦୁଃଖଦ ଖବର ପାଇ ପରିବାର ଲୋକେ ଭାଙ୍ଗିପଡିଥିଲେ । ଦୁର୍ଘଟଣା ର କାରଣ ଏ ପର୍ଯ୍ୟନ୍ତ ସ୍ପଷ୍ଟ ହୋଇନଥିବା ବେଳେ ପରିବାର ଲୋକେ ତଦନ୍ତ ପାଇଁ ସଦରଥାନା ରେ ଲିଖିତ ଅଭିଯୋଗ କରିଛନ୍ତି । ଶବ ବ୍ୟବଚ୍ଛେଦ ପରେ ଘରଲୋକଙ୍କୁ ମୃତ ଶରୀର ପ୍ରଦାନ କରାଯିବ । ଏହି ଖବର ପାଇ ସାରା ଗ୍ରାମରେ ସୋକୋରେ ଛାୟା ଖେଳିଯାଇଛି । ସ୍ଥାନୀୟ ବାସୀଙ୍କ ଦାବି ତୁରନ୍ତ ରୋଡରେ ଡିଭାଇଡର୍ ନିର୍ମାଣ କରାଯାଉ ନଚେତ ଏହିପରି ଅନେକ ଦୁର୍ଘଟଣାରେ ଧନ ଜୀବନ ଚାଲିଯାଇ କେତେଯେ ସଂସାର ଉଜୁଡ଼ିଯିବ । ଯଦି ଏହାର ପ୍ରତିକାର ନ ହୁଏ ତେବେ ରାଜରାସ୍ତାକୁ ଓହ୍ଲାଇବେ ଅଞ୍ଚଳ ବାସି ।

କୁକୁଡ଼ାଖଣ୍ଡି ରୁ ଜି. ରବିନଙ୍କ ରିପୋର୍ଟ ଆମ ଓଡ଼ିଶା ଖବର