ମହିଳାଙ୍କ ବେକରୁ ସୁନା ଚେନ ଝାମ୍ପି ନେଲେ ଦୁର୍ବୁର୍ତ୍ତ l

ରିପୋର୍ଟ :ରାକେଶ ମହାରଣା

କୋଦଳା (ଆମ ଓଡିଶା ଖବର )ଗଞ୍ଜାମ ଜିଲ୍ଲା ବେଗୁନିଆପଡା ଥାନା ନିକଟ ଦେଉଳିଆପଡା ଛକ ରାସ୍ତାରେ ଜଣେ ମହିଳାଙ୍କ ବେକରୁ ସୁନା ଚେନ ଝାମ୍ପି ନେଇଛନ୍ତି ଦୁର୍ବୁତ୍ତ । ସୂଚନା ପ୍ରକାରେ ବେଗୁନିଆପଡା ଗୋଲା ସାହିର ମନସ୍ପିନି ପାଢ଼ୀ ବେଗୁନିଆପଡା ରୁ ବ୍ଲକ ଅଫିସକୁ ଚାଲି ଚାଲି ଯାଉଥିବା ବେଳେ ପୂର୍ତ୍ତ ରାସ୍ତାର ଦେଉଳିଆପଡା ଛକ ନିକଟରେ ତାଙ୍କ ପଛ ପଟରୁ ଗୋଟିଏ ବାଇକରେ ତିନି ଜଣ ଯୁବକ ଆସି ତାଙ୍କ ବେକରେ ପିନ୍ଧିଥିବା ସୁନା ଚେନଟିକୁ ଛାମ୍ପି ନେଇଥିଲେ । ତେବେ ଉକ୍ତ ଚେନର ଖଣ୍ଡେ ମନସ୍ପିନିଙ୍କ ଡ୍ରେସରେ ଲାଗି ରହିଯାଇଥିବା ବେଳେ ଖଣ୍ଡିଏ ଦୁବୃତ୍ତ ନେଇ ପଳାଇଥିଲେ । ମନସ୍ପିନି ସୋମବାର ସକାଳ ୧.୩୦ ମିନଟ ସମୟରେ ବେଗୁନିଆପଡା ଥାନାରେ ଏତଲା ଦେଇଥିଲେ । ଥାନା କେସ ନଂ 398/24 ରେ ମାମଲା ରୁଜୁ କରି ତଦନ୍ତ ଜାରି ରଖିଛି ପୋଲିସ। ଏହି ଘଟଣାରେ ଦୁଇଟି ବାଇକ ସହ ପାଞ୍ଚ ଜଣ ସମ୍ପୃକ୍ତ ଥିବା ପୁଲିସ ସନ୍ଦେହ କରି ଦୁର୍ବୁର୍ତ୍ତଙ୍କୁ ଧରିବା ପାଇଁ ଜାଲ ବିଛାଇଛି ।