ନାଗସାପ କାମୁଡାରେ ମହିଳା ମୃତ

ରିପୋର୍ଟ :ଦେବାଶିଷ

ବେଗୁନିଆପଡା, (ଆମ ଓଡିଶା ଖବର):ଗଣେଶ ଚତୁର୍ଥୀରେ ଗାଁ ଠୁ ସହର ଉତ୍ସବ ମୁଖର ଥିବା ବେଳେ ହଂସତୁଳୀ ଗ୍ରାମରେ ଏକ ଦୁଃଖଦ ଘଟଣା ଘଟି ଯାଇଛି | ସୂଚନା ପ୍ରକାରେ କୋଦଳା ତହସିଲ ଅନ୍ତର୍ଗତ ହଂସତୁଳୀ ଗ୍ରାମର ପ୍ରଭାକର ସ୍ୱାଇଁଙ୍କ ଧର୍ମପତ୍ନୀ ଗୀତାଞ୍ଜଳି ସ୍ୱାଇଁ(54) ଗତକାଲି ଭୋର ସମୟରେ ନିତ୍ୟକର୍ମ ପାଇଁ ବାରିପଟ କୁ ଯାଇଥିଲେ | ହେଲେ ସେଠାରେ ଏକ ବିଷଧର ନାଗ ସାପ ତାଙ୍କୁ ଦଂଶନ କରିଥିଲା | ଖବର ପାଇ ପରିବାର ଲୋକେ ତାଙ୍କୁ ତୁରନ୍ତ ଖଲ୍ଲିକୋଟ ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ର କୁ ନେଇଥିଲେ | ହେଲେ ସେତେବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା | ସେ ଜଣେ ମେଳାପୀ, ଧର୍ମପରାୟଣ ମହିଳା ଥିବାରୁ ତାଙ୍କ ପରିବାର ସମେତ ଗ୍ରାମରେ ଶୋକର ଛାୟା ଖେଳି ଯାଇଛି | ଏ ନେଇ ସ୍ଥାନୀୟ ରାଜସ୍ବ ନିରୀକ୍ଷକଙ୍କୁ ଅବଗତ କରାଯାଇଥିବା ମଧ୍ୟ ଜଣା ପଡିଛି | ତେବେ ଏହି ପରିବାର ଟି ଗରୀବ ଶ୍ରେଣୀର ହୋଇ ଥିବାରୁ ପ୍ରଶାସନ ତରଫରୁ ସାହାଯ୍ୟ ସହଯୋଗର ଆବଶ୍ୟକତା ହୋଇ ପଡିଛି |